இந்திய அரசைப் பணிய வைத்தால்தான்
தமிழ்நாடு காவிரியை மீட்க முடியும்!
================================
ஐயா பெ. மணியரசன்
தலைவர், தமிழ்த்தேசியப் பேரியக்கம்.
================================
தமிழ்நாட்டிற்குரிய சட்டப்படியான காவிரி நீரைத் திறந்துவிட கர்நாடக அரசுக்கு ஆணையிடக் கோரி தமிழ்நாடு அரசு உச்ச நீதிமன்றத்தில் போட்ட வழக்கு விசாரணை 12.10.2026 அன்று நடந்தது. உச்ச நீதிமன்றம் ஏற்கெனவே வகுத்துள்ள பற்றாக்குறைக்காலப் பகிர்வுப்படி கூட, கர்நாடகம் இவ்வாண்டு காவிரியில் தண்ணீர் திறந்து விடவில்லை; தமிழ்நாட்டிற்கு உச்சநீதிமன்றம் வழங்கிய தீர்ப்பின்படி, பற்றாக்குறை கால பகிர்வுத் திட்டப்படி, வழக்கமான அளவு நீரைக் குறைத்துக் கொண்டு தரவேண்டிய தண்ணீரைத் திறந்துவிட ஆணை இடும்படி தமிழ்நாடு அரசு உச்சநீதிமன்றத்தில் கோரியது.
அதற்கு முன் செப்டம்பர் 24 முதல் அக்டோபர் 15 வரை நொடிக்கு 4000 கனஅடி நீர் கர்நாடகம் தமிழ்நாட்டிற்குத் திறக்க வேண்டும் என்று காவிரி ஒழுங்குமுறை ஆணையம் ஆணையிட்டிருந்தது. இதை மறுத்து, வறட்சி நிலவுகிறது என்று தவறான தகவல்கள் கொடுத்தது கர்நாடக அரசு. கர்நாடக அரசின் பொய்க் கூற்றையும் உண்மை என்று ஏற்று, காவிரி மேலாண்மை ஆணையம் 8.10.2026 அன்று நடந்த ஆணையக் கூட்டத்தில், 1000 கனஅடி தண்ணீரைக் குறைத்து 3,000 கனஅடி கர்நாடகம் திறந்துவிட்டால் போதும் எனத் தீர்ப்பளித்தது.
கர்நாடக அணைகள் நிரம்பிய நிலையிலும் உச்சநீதிமன்ற தீர்ப்பின்படி காவிரி நீரைத் தமிழ்நாட்டிற்குத் திறந்துவிடவில்லை கர்நாடக அரசு. 2026 சூன் முதல் தமிழ்நாட்டிற்குத் திறக்க வேண்டிய நீரில் 2026 அக்டோபர் 6 வரை 11.719 டிஎம்சி தண்ணீர் பாக்கி உள்ளது. அதைத் திறந்துவிட ஆணைஇடக் கோரிதான் தமிழ்நாடு அரசு உச்சநீதிமன்றத்தில் வழக்கு போட்டது.
அவ்வழக்கை விசாரித்த உச்ச நீதிமன்ற நீதிபதி விக்ரம் நாத் தலைமையில் இரு நீதிபதிகள் அமர்வு கூறிய ஒருதலைச் சார்பான கருத்துகள் நடுநிலையாளர்களை நடுங்க வைக்கும் வகையில் உள்ளது. கர்நாடக அரசுத் தரப்புத் தலைமை வழக்கறிஞர் திவான் கூட உச்ச நீதிமன்ற நீதிபதியைப் போல், தமிழ்நாட்டின் கோரிக்கையைச் சாடிப் பேசவில்லை.
பற்றாக்குறைக் காலப் பகிர்வுக் குறைப்புச் செய்து காவிரி ஆணையம் திறக்கச் சொன்ன நீரில்தான் 11 டிஎம்சி பாக்கி என்கிறது தமிழ்நாடு!
தமிழ்நாட்டுத் தரப்பிற்கு எதிராக உச்ச நிதிமன்ற அமர்வின் தலைமை நீதிபதி விக்ரம் நாத் சீறியதைப் பாருங்கள்: ”கர்நாடகத்தின் தேவைக்குப் போக மிகையாகத் தண்ணீர் இருந்தால்தான் தண்ணீர் பாக்கியைத் தமிழ்நாட்டிற்குக் கர்நாடகத்தால் தர முடியும். அங்கேயே மழை குறைவாக இருந்தால், தண்ணீர் பற்றாக்குறை இருந்தால், பகிரப்படாத பழைய பாக்கியை எப்படி அவர்களால் தர முடியும்? அவர்களும் தண்ணீர் பற்றாக் குறையில் தவித்துக் கொண்டுள்ளார்கள். மிச்சமாகக் கூடிய அளவுக்கு அவர்களுக்கு (கர்நாடகத்திற்கு) காவிரி நீர் இருந்தால்தான் அவர்கள் பழைய பாக்கியை உங்களுக்குத் தரமுடியும்.” இது நீதிபதி பேச்சு! கர்நாடக அரசு வழக்கறிஞர் வாதம் அல்ல! (The Hindu, 13.10.2026).
தீர்ப்புக் கூறாமல், பிறகு கூறுவதாகச் சொல்லி வழக்கை ஒத்தி வைத்துள்ளது உச்ச நீதிமன்றம்.
கர்நாடக அரசு தங்கள் பகுதியில் பருவமழை பொய்த்து, வழக்கத்தைவிடக் குறைவாக செப்டம்பர் மாதம் மழைப் பொழிந்துள்ளது; எனவே, உச்ச நீதிமன்றத்தின் 2018-ஆம் ஆண்டு தீர்ப்புப்படி தண்ணீர் திறக்க முடியாது என்று கூறியபின், காவிரி மேலாண்மை ஆ9ணயம் தனது முந்தைய ஆணையை மாற்றி, தமிழ்நாட்டிற்குத் தரவேண்டிய தண்ணீர் அளவை மேற்கண்டவாறு ஒரு நொடிக்கு 3,000 கன அடி என்று குறைத்தது.
2026 செப்டம்பர் 24 முதல் அக்டோபர் 8 வரை 15 நாட்களுக்கு ஒரு நொடிக்கு 4000 கனஅடி தண்ணீர் திறக்க வேண்டும் என்பது பழைய ஆணை.
தேவைக் கேற்ப காவிரி ஆணையம் தண்ணீர் அளவைக் குறைத்த பிறகுதான் கர்நாடக அரசு வழக்கறிஞரும், உச்சநீதிமன்ற நீதிபதி விக்கிரம் நாத் அவர்களும் சீறிச் சினந்து தமிழ்நாட்டிற்கு எதிராகப் பாய்ந்தார்கள்.
எல்லாருக்கும் தெரிகிறது, தமிழ்நாட்டுத் தமிழர்கள் அரசியல் அனாதைகள் என்பது! நாளைக்கு ஒரு நல்மாற்றம் ஏற்பட்டு, அதே உச்சநீதிமன்ற நீதிபதி தமிழ்நாடு அரசின் கோரிக்கை நியாயமானது எனவே கூடுதலாகத் திறந்துவிட வேண்டும் என்று தீர்ப்பளித்தால் கர்நாடகம் செய்படுத்தவா போகிறது? காவிரிப் பிரச்சினையில் உச்ச நீதிமன்றத்தின் எந்நத் தீர்ப்பைக் கர்நாடக அரசு செயல்படுத்தியது? அத் தீர்ப்பைச் செயல்படுத்தாத இந்திய அரசு மீது உச்ச நீதிமன்றம் நடவடிக்கை எடுத்ததுண்டா? தி,மு.க. அல்லது அ.தி.மு.க. ஆட்சிகள் காவிரியில் உச்ச நீதிமன்றத்தின் தீர்ப்பைச் செயல்படுத்த வலியுறுத்தி தொடர் போராட்டங்கள் நடத்தியதுண்டா? இல்லை! (ஒரே ஒரு தடவை அன்றைய முதலமைச்சர் செயலலிதா காவிரிக்காக கால வரம்பற்ற உண்ணாப் போராட்டம் நடத்தினார். நடுவண் அமைச்சர் வந்து வாக்குறுதி கொடுத்து முடித்து வைத்தார்)
இப்போதுள்ள தமிழ்நாடு முதலமைச்சர் விஜய், வாயைத் திறந்து காவிரி என்று உச்சரிக்கமாட்டார்! காவிரி நீர் தமிழ்நாட்டிற்குத் திறக்க மறுக்கும் கர்நாடகத்தைக் கண்டிக்கும் “சட்டவிரோத”ச் செயலைச் செய்யமாட்டார். நானும் காவிரியை மீட்கப்பாடு படுகிறேன் என்று காட்டிக்கொள்ள, உச்ச நீதிமன்றத்தில் வழக்குப் போடுவது, மனுப்போடுவது என்று போக்குக் காட்டிக் கொள்கிறார்.
இந்தியத் துணைக் கண்டத்தின் ஈ, எறும்பு உட்பட எல்லா உயிர்க்கும் படியளக்கும் ஈசனாகத் தம்மைக் காட்டிக் கொள்ளும் தலைமை அமைச்சர் நரேந்திர மோடியோ அல்லது அவரது அரசோ, உச்ச நீதிமன்றத் தீர்ப்பையும், உச்ச நீதிமன்றத்தால் உருவாக்கப்பட்ட காவிரி மேலாண்மை ஆணையத்தின் ஆணையையும் செயல்படுத்த முனைந்ததுண்டா? அதைச் செயல்படுத்த மறுக்கும் கர்நாடக அரசைக் கண்டித்ததுண்டா? இல்லை! இரண்டு மாநிலங்களுக்கிடையே தண்ணீர்த் தகராறு இருந்தால், நீதிமன்றத் தீர்ப்புகளுக்கு ஒரு மாநிலம் கட்டுப்படவில்லை என்றால், இரண்டு மாநில முதல்வர்களையும் வைத்து, நாட்டின் தலைமை அமைர்சர் பேச்சு நடத்தி இணக்கத்திற்குக் கொண்டுவர முயலக் கூடாதா? நரேந்திர மோடி ஒரு முறையாவது இப்படி முயன்ற துண்டா? இல்லை. ஏன்” தமிழ்நாடு தமிழர்களின் தாயகம். இந்தியத் துணைக் கண்டத்தின் அசல் சொந்தக்கார்ர்கள் தமிழர்கள்: இந்தியத் துணைக் கண்டத்தின் ஒற்றை முதல் தாய்மொழி தமிழ்! இந்தி ஏகாதிபத்திய வாதிகளுக்கு இந்த வரலாற்று உண்மைகள் அச்சமூட்டுகின்றன. இதனால் தமிழ் இனத்தின் மீது உட்பகை வைத்துக் கொண்டே இருக்கிறார்கள்.
தமிழினத்திற்கு எங்கிருந்து ஆபத்து வந்தாலும் அந்தரங்கத்தில் இவர்கள் மகிழ்வார்கள்! சிங்களர்களிடமிருந்து ஆபத்து வந்தாலும் கன்னடர்களிடமிருந்து ஆபத்து வந்தாலும் இந்திய ஏகாதிபத்தியவாதம் உள்ளுரக் களிகொள்ளும்!
இப்போது கோதாவரி – காவிரி இணைப்பு பற்றித் தீவிரமாகப் பேசுகிறார் தமிழ்நாடு முதலமைச்சர் விஜய்! தமிழர்கள் காவிரியை மறக்க வேண்டும் என்பதற்காக, 1970 களில் கங்கை – காவிரி இணைப்பு பேசி அம்பலப் பட்டுப் போனார்கள். அதன்பின் கோதாவரி – காவிரி இணைப்பு பேசி கூட்டங்கள் நடத்தி, தமிழ்நாட்டில் அம்பலப்பட்டு ஓய்ந்தார்கள். கங்கை நீரை ஒரு சொட்டு கூட தென்னிந்தியாவுக்குத் தர மாட்டோம் என்று வட இந்தியத் தலைவர்கள் முழங்கினார்கள்; அதேபோல் ஆந்திர தலைவர்கள் கோதாவரியைப் பிரித்துப்பார் என்று எச்சரித்தார்கள்.
தமிழர்களை ஏமாற்றித் திசைதிருப்ப வேடம் போட்டவர்களின் வேடத்தை அந்தந்த மாநில மக்களே அம்பலப்படுத்தினார்கள். அதன்பின் அடங்கினார்கள். இப்போது அவர்கள் தில்லி வழியாக விஜயைப் பிடித்துள்ளார்கள்! வேடம் போட்டே முதலமைச்சர் ஆனவர் விஜய்! இவர் கோதாவரி – காவிரி இணைமப்பை சித்திரித்து கவர்ச்சி காட்டுகிறார்.
இந்திய ஆட்சியாளர்களுக்குப் பொறுப்பில்லையா?
கர்நாடக ஆட்சியாளர்கள் மற்றும் அனைத்துக் கட்சியினர் காவிரியில் உச்ச நீதிமன்றத் தீர்ப்பையே செயல்படுத்த மறுப்பார்கள்; உச்ச நீதிமன்றமும் அதனைக் கண்டு கொள்ளாது. இந்திய அரசும் அதைக் கண்டு கொள்ளாது என்றால், எல்லா வழக்குகளிலும் இப்படி உச்ச நீதிமன்றமும் இந்திய அரசும் கண்டு கொள்ளாமல் இருந்து விடுவார்களா? அப்படி எல்லாம் விட்டுவிட மாட்டார்கள்.
திட்டமிட்ட தமிழ்நாடு – தமிழர் புறக்கணிப்பு - தமிழர் பகை வெளிப்பாடு – ஆகியவற்றை உள்நோக்கமாகக் கொண்டுதான், இந்திய அரசு காவிரிச் சிக்கலில் ஒதுங்கிக்கொள்வது போல் நடித்து, மறைமுகமாக, கர்நாடக அராஜகதத்தை ஆதரிக்கிறது!
கர்நாடகத்தைச் சேர்ந்த வி. சோமன்னா என்பவர் இந்திய அரசின் நீர்வளத் துறையின் இணை அமைச்சர். அவர் அண்மையில் நாடாளுமன்றத்தில், கர்நாடகம் மேக்கேதாட்டில் அணை கட்டுவதற்குக் காவிரி மேலாண்மை ஆணையம் தடை போட முடியாது. அதற்கு அந்த அதிகாரம் கிடையாது. உச்ச நீதிமன்றத்தின் 16.2.2018 ஆம் ஆண்டுத் தீர்ப்பின்படி, கர்நாடகம் மேக்கேதாட்டில் அணைகட்ட எந்தத் தடையும் இலாலை என்று அறிவித்தார்! நரேந்திர மோடியின் கருத்தைத்தான் இந்த அமைச்சர் நாடாளுமன்றத்தில் வெளிப்படுத்தினார்.
மேக்கேதாட்டு அணை கட்டப்படாமல் தடுக்கவும், 16.2.2018 உச்ச நீதிமன்றத் தீர்ப்பைச் செயல்பாட்டிற்குக் கொண்டு வரவும் இந்திய அரசுக்குத்தான் இறுதி அதிகாரம் இருக்கிறது. அது தனக்கிருக்கும் அதிகாரத்தைப் பயன்படுத்தி, கர்நாடக அரசின் உச்ச நீதிமன்றப் தீர்ப்புப் புறக்கணிப்பு போன்ற சட்டவிரோத நடவடிக்கைகளைத் தடுக்க முடியும். அதையும் மீறினால் அந்த ஆட்சியின் மீது நடவடிக்கை எடுக்க இந்தியத் தலைமை அமைச்சருக்கும், இந்திய அரசுக்கும் முழு அதிகாரம் இருக்கிறது.
கர்நாடகத்தின் காவிரிப் பறிப்பு அராஜகத்தை – அரசமைப்புச் சட்ட விரோதச் செயலைத் தடுக்க, அந்த ஆட்சியின் மீது தலைமை அமைச்சர் நரேந்திர மோடி உடனடியாக நடவடிக்கை எடுக்க வேண்டும் என்ற கோர்ரிக்கை தமிழ்நாடெங்கும் எதிரொலிக்க வேண்டும். உச்ச நீதிமன்றம் 16.02.2018 அன்று வழங்கிய காவிரித் தீர்ப்பை இந்திய அரசு உடனடியாக செயல்படுத்திக் காட்ட வேண்டும்.
எனவே, தமிழ்நாட்டிற்குரிய காவிரி நீரைப் பெற கர்நாடகத்தை எதிர்த்துப் போராடுவதுடன், முதன்மையாக இந்திய அரசை எதிர்த்தும் போராட வேண்டும். அது தமிழ்நாடு தழுவியதாக இருக்க வேண்டும். காவிரி உரிமை மீட்புப் போராட்டம், தமிழர் தாயகம் காக்கும் போராட்டம் என்பதைப் புதுதில்லிக்குப் புரிய வைக்க வேண்டும்.
தமிழ்நாட்டின் 12 மாவட்டங்களுக்குப் பாசன நீர் காவிரி நீர்; தமிழ்நாட்டின் 28 மாவட்டங்களுக்குக் குடிநீர் காவிரி நீர்! உச்ச நீதிமன்றம் 16.02.2018 இல் வழங்கிய காவிரித் தீர்ப்பைச் செயல்படுத்தித் தர இந்திய அரசை வலியுறுத்தி ஒட்டுமொத்தத் தமிழ்நாடும் போராட வேண்டும்.
===============================
தலைமைச் செயலகம்,
தமிழ்த்தேசியப் பேரியக்கம்
===============================
பேச: 9443918095, புலனம் : 9841949462
முகநூல் : www.fb.com/tamizhdesiyam
தமிழ்நாடு காவிரியை மீட்க முடியும்!
================================
ஐயா பெ. மணியரசன்
தலைவர், தமிழ்த்தேசியப் பேரியக்கம்.
================================
தமிழ்நாட்டிற்குரிய சட்டப்படியான காவிரி நீரைத் திறந்துவிட கர்நாடக அரசுக்கு ஆணையிடக் கோரி தமிழ்நாடு அரசு உச்ச நீதிமன்றத்தில் போட்ட வழக்கு விசாரணை 12.10.2026 அன்று நடந்தது. உச்ச நீதிமன்றம் ஏற்கெனவே வகுத்துள்ள பற்றாக்குறைக்காலப் பகிர்வுப்படி கூட, கர்நாடகம் இவ்வாண்டு காவிரியில் தண்ணீர் திறந்து விடவில்லை; தமிழ்நாட்டிற்கு உச்சநீதிமன்றம் வழங்கிய தீர்ப்பின்படி, பற்றாக்குறை கால பகிர்வுத் திட்டப்படி, வழக்கமான அளவு நீரைக் குறைத்துக் கொண்டு தரவேண்டிய தண்ணீரைத் திறந்துவிட ஆணை இடும்படி தமிழ்நாடு அரசு உச்சநீதிமன்றத்தில் கோரியது.
அதற்கு முன் செப்டம்பர் 24 முதல் அக்டோபர் 15 வரை நொடிக்கு 4000 கனஅடி நீர் கர்நாடகம் தமிழ்நாட்டிற்குத் திறக்க வேண்டும் என்று காவிரி ஒழுங்குமுறை ஆணையம் ஆணையிட்டிருந்தது. இதை மறுத்து, வறட்சி நிலவுகிறது என்று தவறான தகவல்கள் கொடுத்தது கர்நாடக அரசு. கர்நாடக அரசின் பொய்க் கூற்றையும் உண்மை என்று ஏற்று, காவிரி மேலாண்மை ஆணையம் 8.10.2026 அன்று நடந்த ஆணையக் கூட்டத்தில், 1000 கனஅடி தண்ணீரைக் குறைத்து 3,000 கனஅடி கர்நாடகம் திறந்துவிட்டால் போதும் எனத் தீர்ப்பளித்தது.
கர்நாடக அணைகள் நிரம்பிய நிலையிலும் உச்சநீதிமன்ற தீர்ப்பின்படி காவிரி நீரைத் தமிழ்நாட்டிற்குத் திறந்துவிடவில்லை கர்நாடக அரசு. 2026 சூன் முதல் தமிழ்நாட்டிற்குத் திறக்க வேண்டிய நீரில் 2026 அக்டோபர் 6 வரை 11.719 டிஎம்சி தண்ணீர் பாக்கி உள்ளது. அதைத் திறந்துவிட ஆணைஇடக் கோரிதான் தமிழ்நாடு அரசு உச்சநீதிமன்றத்தில் வழக்கு போட்டது.
அவ்வழக்கை விசாரித்த உச்ச நீதிமன்ற நீதிபதி விக்ரம் நாத் தலைமையில் இரு நீதிபதிகள் அமர்வு கூறிய ஒருதலைச் சார்பான கருத்துகள் நடுநிலையாளர்களை நடுங்க வைக்கும் வகையில் உள்ளது. கர்நாடக அரசுத் தரப்புத் தலைமை வழக்கறிஞர் திவான் கூட உச்ச நீதிமன்ற நீதிபதியைப் போல், தமிழ்நாட்டின் கோரிக்கையைச் சாடிப் பேசவில்லை.
பற்றாக்குறைக் காலப் பகிர்வுக் குறைப்புச் செய்து காவிரி ஆணையம் திறக்கச் சொன்ன நீரில்தான் 11 டிஎம்சி பாக்கி என்கிறது தமிழ்நாடு!
தமிழ்நாட்டுத் தரப்பிற்கு எதிராக உச்ச நிதிமன்ற அமர்வின் தலைமை நீதிபதி விக்ரம் நாத் சீறியதைப் பாருங்கள்: ”கர்நாடகத்தின் தேவைக்குப் போக மிகையாகத் தண்ணீர் இருந்தால்தான் தண்ணீர் பாக்கியைத் தமிழ்நாட்டிற்குக் கர்நாடகத்தால் தர முடியும். அங்கேயே மழை குறைவாக இருந்தால், தண்ணீர் பற்றாக்குறை இருந்தால், பகிரப்படாத பழைய பாக்கியை எப்படி அவர்களால் தர முடியும்? அவர்களும் தண்ணீர் பற்றாக் குறையில் தவித்துக் கொண்டுள்ளார்கள். மிச்சமாகக் கூடிய அளவுக்கு அவர்களுக்கு (கர்நாடகத்திற்கு) காவிரி நீர் இருந்தால்தான் அவர்கள் பழைய பாக்கியை உங்களுக்குத் தரமுடியும்.” இது நீதிபதி பேச்சு! கர்நாடக அரசு வழக்கறிஞர் வாதம் அல்ல! (The Hindu, 13.10.2026).
தீர்ப்புக் கூறாமல், பிறகு கூறுவதாகச் சொல்லி வழக்கை ஒத்தி வைத்துள்ளது உச்ச நீதிமன்றம்.
கர்நாடக அரசு தங்கள் பகுதியில் பருவமழை பொய்த்து, வழக்கத்தைவிடக் குறைவாக செப்டம்பர் மாதம் மழைப் பொழிந்துள்ளது; எனவே, உச்ச நீதிமன்றத்தின் 2018-ஆம் ஆண்டு தீர்ப்புப்படி தண்ணீர் திறக்க முடியாது என்று கூறியபின், காவிரி மேலாண்மை ஆ9ணயம் தனது முந்தைய ஆணையை மாற்றி, தமிழ்நாட்டிற்குத் தரவேண்டிய தண்ணீர் அளவை மேற்கண்டவாறு ஒரு நொடிக்கு 3,000 கன அடி என்று குறைத்தது.
2026 செப்டம்பர் 24 முதல் அக்டோபர் 8 வரை 15 நாட்களுக்கு ஒரு நொடிக்கு 4000 கனஅடி தண்ணீர் திறக்க வேண்டும் என்பது பழைய ஆணை.
தேவைக் கேற்ப காவிரி ஆணையம் தண்ணீர் அளவைக் குறைத்த பிறகுதான் கர்நாடக அரசு வழக்கறிஞரும், உச்சநீதிமன்ற நீதிபதி விக்கிரம் நாத் அவர்களும் சீறிச் சினந்து தமிழ்நாட்டிற்கு எதிராகப் பாய்ந்தார்கள்.
எல்லாருக்கும் தெரிகிறது, தமிழ்நாட்டுத் தமிழர்கள் அரசியல் அனாதைகள் என்பது! நாளைக்கு ஒரு நல்மாற்றம் ஏற்பட்டு, அதே உச்சநீதிமன்ற நீதிபதி தமிழ்நாடு அரசின் கோரிக்கை நியாயமானது எனவே கூடுதலாகத் திறந்துவிட வேண்டும் என்று தீர்ப்பளித்தால் கர்நாடகம் செய்படுத்தவா போகிறது? காவிரிப் பிரச்சினையில் உச்ச நீதிமன்றத்தின் எந்நத் தீர்ப்பைக் கர்நாடக அரசு செயல்படுத்தியது? அத் தீர்ப்பைச் செயல்படுத்தாத இந்திய அரசு மீது உச்ச நீதிமன்றம் நடவடிக்கை எடுத்ததுண்டா? தி,மு.க. அல்லது அ.தி.மு.க. ஆட்சிகள் காவிரியில் உச்ச நீதிமன்றத்தின் தீர்ப்பைச் செயல்படுத்த வலியுறுத்தி தொடர் போராட்டங்கள் நடத்தியதுண்டா? இல்லை! (ஒரே ஒரு தடவை அன்றைய முதலமைச்சர் செயலலிதா காவிரிக்காக கால வரம்பற்ற உண்ணாப் போராட்டம் நடத்தினார். நடுவண் அமைச்சர் வந்து வாக்குறுதி கொடுத்து முடித்து வைத்தார்)
இப்போதுள்ள தமிழ்நாடு முதலமைச்சர் விஜய், வாயைத் திறந்து காவிரி என்று உச்சரிக்கமாட்டார்! காவிரி நீர் தமிழ்நாட்டிற்குத் திறக்க மறுக்கும் கர்நாடகத்தைக் கண்டிக்கும் “சட்டவிரோத”ச் செயலைச் செய்யமாட்டார். நானும் காவிரியை மீட்கப்பாடு படுகிறேன் என்று காட்டிக்கொள்ள, உச்ச நீதிமன்றத்தில் வழக்குப் போடுவது, மனுப்போடுவது என்று போக்குக் காட்டிக் கொள்கிறார்.
இந்தியத் துணைக் கண்டத்தின் ஈ, எறும்பு உட்பட எல்லா உயிர்க்கும் படியளக்கும் ஈசனாகத் தம்மைக் காட்டிக் கொள்ளும் தலைமை அமைச்சர் நரேந்திர மோடியோ அல்லது அவரது அரசோ, உச்ச நீதிமன்றத் தீர்ப்பையும், உச்ச நீதிமன்றத்தால் உருவாக்கப்பட்ட காவிரி மேலாண்மை ஆணையத்தின் ஆணையையும் செயல்படுத்த முனைந்ததுண்டா? அதைச் செயல்படுத்த மறுக்கும் கர்நாடக அரசைக் கண்டித்ததுண்டா? இல்லை! இரண்டு மாநிலங்களுக்கிடையே தண்ணீர்த் தகராறு இருந்தால், நீதிமன்றத் தீர்ப்புகளுக்கு ஒரு மாநிலம் கட்டுப்படவில்லை என்றால், இரண்டு மாநில முதல்வர்களையும் வைத்து, நாட்டின் தலைமை அமைர்சர் பேச்சு நடத்தி இணக்கத்திற்குக் கொண்டுவர முயலக் கூடாதா? நரேந்திர மோடி ஒரு முறையாவது இப்படி முயன்ற துண்டா? இல்லை. ஏன்” தமிழ்நாடு தமிழர்களின் தாயகம். இந்தியத் துணைக் கண்டத்தின் அசல் சொந்தக்கார்ர்கள் தமிழர்கள்: இந்தியத் துணைக் கண்டத்தின் ஒற்றை முதல் தாய்மொழி தமிழ்! இந்தி ஏகாதிபத்திய வாதிகளுக்கு இந்த வரலாற்று உண்மைகள் அச்சமூட்டுகின்றன. இதனால் தமிழ் இனத்தின் மீது உட்பகை வைத்துக் கொண்டே இருக்கிறார்கள்.
தமிழினத்திற்கு எங்கிருந்து ஆபத்து வந்தாலும் அந்தரங்கத்தில் இவர்கள் மகிழ்வார்கள்! சிங்களர்களிடமிருந்து ஆபத்து வந்தாலும் கன்னடர்களிடமிருந்து ஆபத்து வந்தாலும் இந்திய ஏகாதிபத்தியவாதம் உள்ளுரக் களிகொள்ளும்!
இப்போது கோதாவரி – காவிரி இணைப்பு பற்றித் தீவிரமாகப் பேசுகிறார் தமிழ்நாடு முதலமைச்சர் விஜய்! தமிழர்கள் காவிரியை மறக்க வேண்டும் என்பதற்காக, 1970 களில் கங்கை – காவிரி இணைப்பு பேசி அம்பலப் பட்டுப் போனார்கள். அதன்பின் கோதாவரி – காவிரி இணைப்பு பேசி கூட்டங்கள் நடத்தி, தமிழ்நாட்டில் அம்பலப்பட்டு ஓய்ந்தார்கள். கங்கை நீரை ஒரு சொட்டு கூட தென்னிந்தியாவுக்குத் தர மாட்டோம் என்று வட இந்தியத் தலைவர்கள் முழங்கினார்கள்; அதேபோல் ஆந்திர தலைவர்கள் கோதாவரியைப் பிரித்துப்பார் என்று எச்சரித்தார்கள்.
தமிழர்களை ஏமாற்றித் திசைதிருப்ப வேடம் போட்டவர்களின் வேடத்தை அந்தந்த மாநில மக்களே அம்பலப்படுத்தினார்கள். அதன்பின் அடங்கினார்கள். இப்போது அவர்கள் தில்லி வழியாக விஜயைப் பிடித்துள்ளார்கள்! வேடம் போட்டே முதலமைச்சர் ஆனவர் விஜய்! இவர் கோதாவரி – காவிரி இணைமப்பை சித்திரித்து கவர்ச்சி காட்டுகிறார்.
இந்திய ஆட்சியாளர்களுக்குப் பொறுப்பில்லையா?
கர்நாடக ஆட்சியாளர்கள் மற்றும் அனைத்துக் கட்சியினர் காவிரியில் உச்ச நீதிமன்றத் தீர்ப்பையே செயல்படுத்த மறுப்பார்கள்; உச்ச நீதிமன்றமும் அதனைக் கண்டு கொள்ளாது. இந்திய அரசும் அதைக் கண்டு கொள்ளாது என்றால், எல்லா வழக்குகளிலும் இப்படி உச்ச நீதிமன்றமும் இந்திய அரசும் கண்டு கொள்ளாமல் இருந்து விடுவார்களா? அப்படி எல்லாம் விட்டுவிட மாட்டார்கள்.
திட்டமிட்ட தமிழ்நாடு – தமிழர் புறக்கணிப்பு - தமிழர் பகை வெளிப்பாடு – ஆகியவற்றை உள்நோக்கமாகக் கொண்டுதான், இந்திய அரசு காவிரிச் சிக்கலில் ஒதுங்கிக்கொள்வது போல் நடித்து, மறைமுகமாக, கர்நாடக அராஜகதத்தை ஆதரிக்கிறது!
கர்நாடகத்தைச் சேர்ந்த வி. சோமன்னா என்பவர் இந்திய அரசின் நீர்வளத் துறையின் இணை அமைச்சர். அவர் அண்மையில் நாடாளுமன்றத்தில், கர்நாடகம் மேக்கேதாட்டில் அணை கட்டுவதற்குக் காவிரி மேலாண்மை ஆணையம் தடை போட முடியாது. அதற்கு அந்த அதிகாரம் கிடையாது. உச்ச நீதிமன்றத்தின் 16.2.2018 ஆம் ஆண்டுத் தீர்ப்பின்படி, கர்நாடகம் மேக்கேதாட்டில் அணைகட்ட எந்தத் தடையும் இலாலை என்று அறிவித்தார்! நரேந்திர மோடியின் கருத்தைத்தான் இந்த அமைச்சர் நாடாளுமன்றத்தில் வெளிப்படுத்தினார்.
மேக்கேதாட்டு அணை கட்டப்படாமல் தடுக்கவும், 16.2.2018 உச்ச நீதிமன்றத் தீர்ப்பைச் செயல்பாட்டிற்குக் கொண்டு வரவும் இந்திய அரசுக்குத்தான் இறுதி அதிகாரம் இருக்கிறது. அது தனக்கிருக்கும் அதிகாரத்தைப் பயன்படுத்தி, கர்நாடக அரசின் உச்ச நீதிமன்றப் தீர்ப்புப் புறக்கணிப்பு போன்ற சட்டவிரோத நடவடிக்கைகளைத் தடுக்க முடியும். அதையும் மீறினால் அந்த ஆட்சியின் மீது நடவடிக்கை எடுக்க இந்தியத் தலைமை அமைச்சருக்கும், இந்திய அரசுக்கும் முழு அதிகாரம் இருக்கிறது.
கர்நாடகத்தின் காவிரிப் பறிப்பு அராஜகத்தை – அரசமைப்புச் சட்ட விரோதச் செயலைத் தடுக்க, அந்த ஆட்சியின் மீது தலைமை அமைச்சர் நரேந்திர மோடி உடனடியாக நடவடிக்கை எடுக்க வேண்டும் என்ற கோர்ரிக்கை தமிழ்நாடெங்கும் எதிரொலிக்க வேண்டும். உச்ச நீதிமன்றம் 16.02.2018 அன்று வழங்கிய காவிரித் தீர்ப்பை இந்திய அரசு உடனடியாக செயல்படுத்திக் காட்ட வேண்டும்.
எனவே, தமிழ்நாட்டிற்குரிய காவிரி நீரைப் பெற கர்நாடகத்தை எதிர்த்துப் போராடுவதுடன், முதன்மையாக இந்திய அரசை எதிர்த்தும் போராட வேண்டும். அது தமிழ்நாடு தழுவியதாக இருக்க வேண்டும். காவிரி உரிமை மீட்புப் போராட்டம், தமிழர் தாயகம் காக்கும் போராட்டம் என்பதைப் புதுதில்லிக்குப் புரிய வைக்க வேண்டும்.
தமிழ்நாட்டின் 12 மாவட்டங்களுக்குப் பாசன நீர் காவிரி நீர்; தமிழ்நாட்டின் 28 மாவட்டங்களுக்குக் குடிநீர் காவிரி நீர்! உச்ச நீதிமன்றம் 16.02.2018 இல் வழங்கிய காவிரித் தீர்ப்பைச் செயல்படுத்தித் தர இந்திய அரசை வலியுறுத்தி ஒட்டுமொத்தத் தமிழ்நாடும் போராட வேண்டும்.
===============================
தலைமைச் செயலகம்,
தமிழ்த்தேசியப் பேரியக்கம்
===============================
பேச: 9443918095, புலனம் : 9841949462
முகநூல் : www.fb.com/tamizhdesiyam
ஊடகம் : www.kannottam.com
இணையம் : www.tamizhdesiyam.com
சுட்டுரை : www.twitter.com/Tamizhdesiyam
காணொலிகள் : youtube.com/Tamizhdesiyam